Monday 12 February 2018

ඔව් ඔව් එක තමා මේක,වෙනස යකෝ වෙනස .........



                            සමහරවිට සිරිසේන මහත්තයා ඡන්ද ප්‍රතිඵල දැන ගන්නේ අද පත්තරෙන් විය හැක,එම නිසා දැන්ම මෙව්වා ගැන උත්තර දෝඩන එකක් නැ මයේ හිතේ,මක්ක වුනත් කාරි නැ,රස්තියාදුකාරයා මැතිවරණයෙන් දිනපු පොහොට්ටුවට සුභ පතන ගමන් කාලෙකට පස්සේ අකුරක් කොටන්නයි ඕං සුදානම,ඇයි හත්ඉලව්වේ   දොඩන්නේ නැතුව ඉන්න පුළුවන් සංතැසියක් ඇ මේ වේලා තියෙන්නේ,දිනපු ඇයෝ ඇවිත් ආණ්ඩු පෙරලන්න යනවයි කියලත් රුප පෙට්ටියෙන් කියනවා ඇහුනා,මේච්චර අලකලංචියක් වෙනකම් අර මනුස්සයාට පත්තරේ බෙදපු නැති එකා අහු වුනානම් මට අම්මපා ගහනවා ඕකට මඩු වලිගයක් කැඩෙනකම්,සිරිසේන මහත්තයා එහෙම මෙව්වා දන්නවානම්..............එක අතකට දැනගත්තා කියලත් මොනවා කියලා කොරන්නද,ඔය ප්‍රතිඵල හම්බු වේලා තියෙන්නේ කොරපුවගේ තමා,එක නිසා කියන්න තියෙන්නේ තවත් මුකුත් කොරන්න යනවා එහෙම නෙමේයි ඕං,එත් අපරාදේ කියන්න බෑ රනිල් මහත්තයා නම් මෙව්වාට නොනිදා උත්තර  හොයනවා ඇති ඇයි යකඩෝ මනුස්සයෙකුට නම් වැරදුනා කියමුකෝ,ඇග පුරාම මොළේ තියෙන මොළයකට වැරදුනා කිව්වාම ලේසියැ,

                       ඇත්තටම මේ පාර මොකෝ වුනේ මහින්දගේ කාලේ නම් හොර ඡන්ද දාලා කියලා හරි ශේප් වෙන්න තිබුන දැන් මක්ක කියලා කියන්නද,මං නම් කියන්නේ මෙව්වා රටේ මිනිස්සුන්ගේ වැරදි,ඇත්තටම මේ ටික කාලේට රට දියුණු වුනේ සුළු පටු විදිහකටද මුන්ට මෙව්වා පෙන්නේ නැති හැටියක්,අහ් සමාවෙන්න ඕනා අපේ රට ඇත්තටම සිග්‍ර සංවර්ධනයක් ලැබුවා ඒත් අපේ නිරහංකාර සරල ජනාධිපතිතුමයි,අපේ බුද්ධිමත් අගමැතිතුමයි මේ සංවර්ධනය රහසක් වශයෙන් තියාගන්න කල්පනා කොලා,එක නිසා උඹලට පෙන්නේ නැති වුනාට රට සංවර්ධනය වේලා යකෝ,එක තමා උඹලා හෙව්ව වෙනස,එහෙවු ආණ්ඩුවකට උඹලා මෙහෙම කොලේ,හිතක් පපුවක් නැති පර හැත්ත,

                  මොකා කොහොම දෙඩුවත් රස්තියාදුකාරයා නම් කියන්නේ මේක අතිශය සාමාන්‍ය ප්‍රතිඵලයක්,ඇත්තටම මේක මාවලස් රිසාල්ට් එකක් නොවන්නේ මේ ඡන්ද ටිකම මහින්ද මහත්තයා 2015දිත් ලබා ගත්තු නිසා,පැහැදිලිවම මේ ඡන්ද වැටුනේ පොහොට්ටුව කියන ලකුණට නෙමෙයි,යුද්දෙන් රට නිදහස් කරපු නායකයාට,ඒත් මේ රිසාල්ට් එක ෆුල් මාවලස් කොර ගත්තු ඇයෝන්ට මේක අළුත් දෙයක් වෙන්නේ මේ ඡන්ද පොහොට්ටුවට වැටුන එක,කොටින්ම මේ ඡන්ද ටික ගන්න නම් මහින්ද මහත්තයට ලකුණක් වැඩක් නැ,එත් මේ ජන පදනම මහින්ද මහත්තයට වැටුනේ කොහොමද කියන එක අවදානය යොමු විය යුතු කරුණක්,මේතන ෆුල් මාවලස් එක තියෙන්නේ හරියාකාර පක්ෂයක් නොමැතිව කිසිම පසුපෙළ කිසිම ජනපදනමක් නොමැතිව මේවැනි ඡන්ද ප්‍රමාණයක් එක් පුද්ගලයෙකු වටා රොක් විමයි,පැහැදිලිවම මේ ජන පදනම දැමුවේ කැපුවත් නිල් කියා ගත්නා සිංහල බෞද්ධ ශ්‍රී ලංකා කරයින්‍ ය,

               තත්වය මේසේ නම් සිරිසේන මහත්තයාට තවත් පත්තර බල බලා ඉන්නට වෙලාවක් නැත,ඔහු නායකත්වය දෙන පක්ෂය මේ වන විට කුණාටුවකට හසුවි හමාරය,ශ්‍රී ලංකා කාරයින් මෛත්‍රි ජනාධිපතිතුමාට අපමණ අගයක් ලබා දි ඇත්තේ මෙසේනම්,ශ්‍රි ලංකා නිදහස් පක්ෂයේ තත්වය ඉතා දරුණුය,බොහෝ පිරිස් පවසන්නේ මේ ඡන්ද ප්‍රමාණයත් එක්ක තව ජනාධිපතිවරණයකදි නම් ගැටළුවක් නැතැයි කියාය,නමුත් රස්තියාදුකාරයාට පෙනෙන අන්දමට තත්වය මිට හාත්පසින්ම වෙනස්‍ ය,නිදහස් පක්ෂය සතු අද වන විට පවතින මේ ඡන්ද පදනම බොහෝ විට ජනාධිපතිවරණයකදි නම් සේදි යනු නිසැකය,හේතුව වන්නේ නිදහස් පක්ෂය සතු මේ ජනපදනම වැටුනේ සිරිසේන මහත්තයා නිසාවත් බුලත් කොළය නිසාවත් නොව,බොහෝ විට ගම් මට්ටමේ අපේක්ෂයන්ගේ ක්‍රියාකාරකම් නිසාය,නිදහස් පක්ෂය ලබාගත් මේ ඡන්ද අස්සේ පොහොට්ටු ඡන්ද බොහොමයක්ද රැදි පවති,එහෙම වුවහොත් ජනාධිපතිවරණයකදි නම් මහින්ද මහත්තයා සතු මේ ජන පදනම තව තවත් වැඩි වනු ඇත,අනික පවතින තත්වය අනුව යළිත් UNP , ශ්‍රී ලංකා සන්ධානයකට මේ පක්ෂ දෙකේම ජනතාව විරෝධය පළ කිරිමේ ප්‍රවණතාවය වැඩිය,අනික ජනතා විමුක්ති පෙරමුණ බොහෝ විට ඊලග ජනාධිපතිවරණයේදි තම අපේක්ෂයෙක් ඉදිරිපත් කරණු ඇත,මේ තත්වය මත මහින්දට ආයිත් ඉල්ලන්න බැ කියා සැනසිමට කිසිදු හේතුවක් UNP යටවත් නිදහස් පක්ෂයටවත් නොමැත,මන්ද පෙරමුණේ නායකයා මහින්ද නොවේ ඔහු එම පක්ෂයට සහය දැක්වුවා පමණි,එසේනම් ජනාධිපතිවරණයකදි වුවත් ජනතාවට බොහෝ විට අපේක්ෂකයා වැදගත් නොවනු ඇත නාමල් වුවත් බැසිල් වුවත් මහින්ද සහය දුන්නොත් මේ ප්‍රමාණයම නැතිවුනත් බහුතර මනාපය ලබාගැනිමට අපහසුතාවයක් නොවනු ඇත,අනික UNP යටවත් ශ්‍රී ලංකා එකටවත් දැනට පෙනෙන තෙක් මානයේ ජනාධිපති අපේක්ෂයෙක් නැත,එසේනම් පෙරමුණට තවත් ගැටළු නැත ජනාධිපතිවරණයකදි වුවත් මහමැතිවරණයකදි වුවත් ඔවුන් සමග මහින්ද සිටින තාක් කල් ඔවුන්ගේ ජයග්‍රහණය පැහැදිලිය,නමුත් පෙරමුණේ බැලු බැල්මටම අභ්‍යන්තර ප්‍රශ්නයක් පෙනෙන්නට ඇත,ගොඨාභය බැසිල් පාර්ශව අතර ඇති සිතල යුද්ධය තවත් වර්ධනය වුවහොත් මේ ප්‍රතිඵල සියල්ල උඩුයටිකුරු වනු ඇත,එසේනම් මහින්ද ප්‍රමුඛ පාර්ශවය දැන්මම එයට විසදුම් සෙවිය යුතුමය,රස්තියාදුකාරයාගේ මතය නම් පෙරමුණේ මේ ප්‍රතිඵල දෙගුණ තෙගුණ කිරිමට බැසිල්ට වඩා බලයක් ගොඨාභයට ඇත,ඔහු වටා දැනටමත් ජන රැල්ලක් ගොඩනැගෙමින් පවති එයට මහින්දගේ සහය හිමි වුවහොත් UNP යට හා ශ්‍රී ලංකා නිදහස් පක්ෂයට හොම්බෙන් යන්නට සිදුවනු නොඅනුමානය,

                  අද ශ්‍රී ලංකා නිදහස් පක්ෂ නායක මෛත්‍රීපාල සිරිසේන යනු ශ්‍රී ලංකා කාරයන්ගේ තේරිමක් නොවේ,ඔහු ජනාධිපති වුයේ UNP ඡන්ද වලිනි,එසේම සිරිසේන මහත්තයා නොවේ ශ්‍රී ලංකා පාක්ෂිකයන්ගේ මතය තඹේකට මායිම් කොලේ,ඔහු ඔහුට ඕනැ පදේ ගැහුවේය නටන්නට  ඊටම හරියන කම්බාහොරු රැළක්ද ලිස්ට් එකෙන්  ඔඩොක්කුවට දා ගත්තේය,එයිනුදු නොනැවති ඔවුන්ට ඇමති පට්ටම් ගසා ඔවුන්ව තවත් චුන් කළේය,ඡන්දය පෙනෙන මානයේ ගිරිය පුප්පන් කැ ගැසුවාට පලක් නැත,ජයග්‍රහණයට නිසි වැඩපිළිවලක් අවශ්‍යය නමුත් සිරිසේන මහත්තයාගේන්  ජනතාව එවැනි දෙයක් දැක්කේ නැත,ඔහුට ඡන්දයක් කියා දෙයක් ඇති බවවත් මතක නැත,ඇත්තෙන්ම ඔහු විනාශ කර ගත්තේ තමන් ජනවාරියේ ලැබු ජයග්‍රහනය පමණක් නොව ලක්ශ 62ක ජනතාවගේ සිහිනය,එහි ප්‍රතිඵල ඉදිරියට තවත් දරුණු වනු ඇත,නමුත් ඔහුට කඩිනම් තිරණ ගතහොත් තවත් කාලය ඉතුරුව ඇත,ඇත්තෙන්ම ඔහුට නොදැනුනාට ශ්‍රී ලංකා පක්ෂ නායකයා ඔහුය ,අවශ්‍යතාවයක් ඇත්නම් පැරණි ශ්‍රී ලංකා කාරයෝ තමන් ලගට ගැනිම ඔහුට මහ කජ්ජක් නොවේ,මහින්දට පුද්ගලයෙක් වශයෙන් කිසිදු විධායක  බලයක් නොමැතිව මෙතරම් දෙයක් කරන්නට පුළුවන් නම් රටේ විධායක ජනාධිපති ශ්‍රී ලංකා කාරයන්ගේ නිල ලත් නායකයා වශයෙන් ඔහුට ශ්‍රී ලංකා නිදහස් පක්ෂය දිනවිමට UNP යක් අවශ්‍ය නැත,නමුත් ඊට මුලින්ම දැනට ඔය ඔඩොක්කුවට දමාගෙන හුරතල් කරමින් ඉන්නා කම්බ හොරු ටික පක්ෂයෙන් එළවා දැමිය යුතුය,නමුත් ඊට කලින් ඔහු රටේ ජනාධිපතිවරයා බව ඔහු අවබෝධ කර ගත යුතුය,නමුත් ඔහුට මේම පාලන කාලය තුල එය අවබෝධ වේයැයි සිතිමට අපහසුය,

                  නමුත් අවදානම ශ්‍රී ලංකා නිදහස් පක්ෂයට වඩා ඇත්තේ UNP ය වෙතය,මහමැතිවරණයෙන් පසු ඔවුන් යළිත් වැටි තිබෙන්නේ හිටපු ආගාදයටමය,එහි වගකිමෙන් අගමැති වික්‍රමසිංහට ගැලවි යාමට නොහැකිය,මේ ඡන්දයේ වගකිම පැහැදිලිවම රනිල් රවි ප්‍රමුඛ සහචරයන් පිරිස ලබා ගත යුතුය,නමුත් බලයේ සිටින ආණ්ඩුවක් වශයෙන් UNP ය පට්ට අසාර්ථකය,එය පැහැදිවම ජනතා තින්දුවෙන් පෙනි යයි,නමුත් රනිල් හිනෙකින්වත් UNP යට මෙහෙම වෙයි කියා නොසිතන්නට ඇත,ඔහු සිතුවේ ශ්‍රී.ල.නි.ප දෙකට බෙදි මරා ගනිද්දි UNP ය ගොඩ දමන්නටය,කෙසේවත් බුලත් කොලය නොමැතිව මහින්දට මෙතරම් ජන රැල්ලක් ඇතැයි ඔහු හිනෙකින්වත් නොසිතන්නට ඇත,නමුත් දැන් නොසිතු දේ සිදුවී ඇත යළිත් UNP කාරයෝ ඔහු සමග උරණව ඇත,තත්වය ඉදිරියේදි ද මේසේ වුවහොත්  ඔවුන් වික්‍රමසිංහට විරුද්ධව කැරලි ගසන්නටද දෙවරක් නොසිතනු ඇත,මොනවා වුවත් රනිල් නායකත්වය අත් නොහරිනු ඇත,ඇත්තෙන්ම ඔහු UNP කාරයන්ට කර ඇත්තේ ලේසි පහසු ද්‍රෝහිකමක් නොව ඔහු ශ්‍රී ලංකා නිදහස් පක්ෂ මහ ලේකම්ව  UNP කාරන්ගේ ඡන්ද වලින් දිනෙව්වා පමණක් නොව මහමැතිවරණයෙන් ලද ජයග්‍රහණයද එහෙන් පිටින්ම බාල්දු කලේය,ඊට ජනතාව ඔහුට අද පිළිතුරු ලබා දි ඇත,සමහරවිට ඉදිරියේදිද ලබාදෙනු ඇත,


             තත්වය මේසේය ඉදිරි මාස කිහිපය ඇතුළත සියලු දේශපාලන පක්ෂ ගන්නා තිරණ මත රටේ අනාගතය පවතිනු ඇත,JVP යද ඉදිරි මැතිවරණ වලදි තිරණාත්මක සාධකයක් වනු නොඅනුමානය ඔවුන් තවමත් ජනතාවගේ හදවත් තුළින් මැකි ගොස් නැත,එසේ නම් ඔවුන්ද ඔවුන්ගේ ඉදිරි තිරණ පිළිබද සැලකිලිමත් විය යුතුය,ඔවුන්ට පැහැදිලිවම ස්ථිර ජන පදනමක් තිබේ ඔවුන්ට එය වර්ධනය කර ගැනිමට නිසි වැඩපිළිවලක් වුවමනාය,ඒ පිළිබද අනුර සහෝදරයා ප්‍රමුඛ JVP නායකයින් අනිවාර්යයෙන්ම උනන්දු විය යුතුය
   
               කෙසේ නමුත් ජනතාව අද බඩු මිල අඩු කිරිම වැනි කරුණු මත තමන්ගේ    මනාපය ලබා දිමට තරම් මොඩ නැත, එසේ හෙයින් දේශපාලකයන්ට ජනතාව ගොනාට ඇන්දවිම දැන් තරමක් අපහසුය,සියලු දේශපාලන තිරණ ගැන ජනතාව අවදියෙනි,එම නිසා දේශපාලන පක්ෂ වල ශේප් නියාය දැන් පලක් නොමැත,එම නිසා ජනතාවට හිතැති තිරණ පමණක් ගැනිමට දේශපාලකයන්ට සිදුවනු ඇත,ඇත්තෙන්ම මේ ඡන්ද ප්‍රතිඵලය පවතින දේශපාලන සංස්කෘතිය වෙනස් වීමේ සුභ පෙර ලකුණක් වනු නිසැකය,

                       
                                  බy රස්තියාදුකාරයා,
       

Monday 11 April 2016

අපි Sunny Leone දාලා film එකක් කරමුදැයි,(18+)වැඩිහිටියන්ට පමණයි

අපි Sunny leone ව දාල සිංහල film එකක් කොරමුද?
සුපිරිනේ....නියම අදහස
අපි එකට දාන නම මොකද්ද,
Sunny සමග පියාඹන්න කියලා දාමුද,
ෂා එක මරු,

           තනි තටුවෙන් පියාඹන්න කාලයේ සමාජයේ විශාල කතා බහට ලක් වුනු අදද ඉද හිට කතා මවන චිත්‍රපටියක්,ගොඩාක් උපාසක මහත්වරුන්ට මේ චිත්‍රපටියත් එක්ක ලොකූ ඇරියස් එකක් තිබුනා එක හේතුව මොකද්ද කියලා නම් රස්තියාදුකාරයටත් පැහැදිලි නැ,ඒත් උන් කිව්වෙම මේ මගුල මෙහේ පෙන්නුවොත් අර අපේ සංස්කෘතියට මොකද්ද වෙනවා කියලා,සමහරවිට අනොමාගේ ඇග දැක්කාම සිල් බිදෙනවාද දන්නේත් නැ නොවැ,එහෙව් චිත්‍රපටියක්නේ හදගම මහත්තයා ගැහුවේ,සුළග එනු පිණිස තහනම් කොලෙත් ඔය සිල් බිදෙන කේස් එකටම වෙන්නැ මයේ හිතේ,සම්මාන පිට සම්මාන ගත්තත් මොකටද සිල් බිදෙනවා නම්,එක නිසා ඕවා තහනම් කොරන එකමයි හොද,

           කොහොම වුනත් අපේ පොරවල් කවදත් ඔය තහනම් වලට බය පොරවල් නෙමෙයිනේ නිශ්පාදක හොම්බෙන් ගියත් මොකො ගහන මගුල මුණටම දමලා ගහනවා මෙලො රහක් නැති වුනත් මාළු පියැඹුවේ ආන්න එහෙමයි,කොහොම වුනත් මාළු වුනත් වැඩිය පියාඹන්න හොද නැති නිසාද මන්දා එකටත් වුනේ සුළග එනු පිණිසට වුනු සංතැසියමයි,හැබැයි පියාඹන මාළු බලලා අමන්දානන්දයට පත් වු රසිකයො තමන්ගේ නිළියව දේශපාලනයටත් ගෙන්නන්න කතා කරලා තිබුනා,එත් රටේ කරුමෙට නොමිනෙශන් හම්බ වුනේ නැනේ,

                 ලංකාව ඉතිං හෙන සංස්කෘතියක් තියෙන රටක්නේ ඕවාට එහෙම අවසර දෙන්න බෑලු,හැබැයි අල්ලපු රටේ නම්(ඔව් ඔව් 27යි බ්‍රො)මේවාට මහා ලොකු තහංචි නැ,සමහරවිට සනිගේ කකුල් වලට සිල් බිදෙන්නේ නැතුව වෙන්ටැ,අපේ උපාසක මහත්වරුත් සනි මැඩම් ලංකාවට එනකන් ඇගිලි ගැන ගැන හිටියා ලගදි එත් ආවේ අමිෂාලු,අවුලක් නැ අමිෂා කියන්නේත් හුරු බුහුටි කෙලි පැටික්කිලුනේ,එත් ඉතිං සනි වගෙ නැතිලු සනි ඉතිං කොහොමත් වැඩිය ඇදුම් වලට කැමතිත් නැතිලුනේ,

           කොහොම වුනත් ජිසම් 2 එකෙන් ජනප්‍රිය වුනු සනිට එතකොට පුනම් පාන්ඩේ වගේ රංගන ශිල්පිනියන්ට ජිවිතේට මුහුණ දෙන්න වෙන්නේ නැති ඉරණමක් ලංකාවේ ගොඩක් නිළියන්ට අත් වෙනවා,තිරය ඉදිරියේ සළුපිළි උනා දැමු පසු සනිලාට සුපිරි චරිත සහතික ලියන ගොඩාක් මහත්වරු අපේ නිළියන්ට බඩුවක් කියන්න දෙපාරක් හිතන්නේ නැ,සනි ගැලෙව්වොත් එක රගපැමට අපේ උන් ගැලෙව්වොත් ඒ වේසකමට,එතකොට සනි මැඩම් අපේ එකි පට්ට වේසි,

              නදිශාගේ සිල් බිද ගත්තේ සිංදුව ගැන හෙන රැඩිකල් ටොක් දුන්න පොරවල් වලට ඔය ශකිරලාගේ,රිහානලාගේ songs ෆුල් මාවලස් වෙනවා,ඇත්තටම ඔය ගයේශාගේ නිරුවත පෙනුන බොහො දෙනෙකුට සුළග එනු පිණිසේ නිරුවත් වෙන මහේන්ද්‍ර පෙරේරාගේ නිරුවත පෙනුනේ නැති එක ලොකු පුදුමයක් සමහරවිට පිරිමි හෙළුවට සිල් බිදෙන්නේ නැතුව ඇති,එක නිසා ඔය අධ්‍යක්ෂක මහත්වරුන් එය සිහියේ තබාගෙන දිගටම පිරිමි නිරුවත් කොරන්න යනවා එහෙම නෙවෙයි ඕං,

              අපේ මිනිස්සු බොහෝ වෙලාවට තමන්ගේ වටේ වෙන කිසිම සිදුවිමකදි ඔය කියන සංස්කෘතිය අල්ල ගන්නේ නැ,දැන් හොරු පාර්ලිමේන්තු යවනවා,හොරෙක්ව පාර්ලිමේන්තුවට යැව්වාම රටම කොල්ල කනවා කියලා නොදැනද උන්ව පාර්ලිමේන්තු යවන්නේ,නැ හොදටම දන්නවා හොරකම් කරනවා කියලා එතකොට ඔය කියන සංස්කෘතියේ අවුලක් වෙන්නේ නැද්ද?අපේ මිනිස්සු පුරුදු වෙලා තියෙන්නේ ලිංගිකත්වය කියන කාරණයට පමණක් ඔය සංස්කෘතිය කියන කාරණේ අදාල කර ගන්න,සමික්ෂණ වලින් වැඩිම sex හොයපු රට විදිහට වාරතා පොත් අළුත් කරද්දි,එතකොට පාසල් යන වයසේ දුවරු ගැබ් ගනිද්දි කියටවත් මතක් නොවන සංස්කෘතියක් අපේ උන්ට සිංහල ෆිල්ම් එකක් බලද්දි ඔළුවට එනවා,කලාවට නිරුවත තහනම් නම් සිගිරියත් තහනම් කරන්න වෙනවා නැත්තන් අඩුම ගානේ වැඩිහිටියන්ට පමණයි කියලා නිතියක් ගෙන්න වෙනවා,මොකො සිගිරි අප්සරාවො දැකලා පොඩි එව්න් නැහැදුනොත් අපේ සංස්කෘතියට මොකක්ද වෙන්නේ,

                එ වගේම පාරේ යන කෙල්ලෙක් දිහා බලලා බඩුවක් කියන කී දෙනෙක් නම් ඇය වෙනුවෙන් ස්වයං වින්දනය කරනවා ඇත්ද?දණිස්සෙන් උඩට ඉස්සෙන ගවුම ගැන දේශනා දෙන කී දෙනෙක් ඇයත් සමග සිහිනෙන් යහන් ගත වන්නට පෙරුම් පුරනවා ඇද්ද,එත් එකි හෙන බඩුව නේද බං,හැබැයි අපේ අයියලා නිකමටවත් සනි නොනට බඩුවක් කියයිද,සමහරුන්ට හිනෙන් පෙන්නෙත් සනිවමලු,හිනෙන් නදිශාව එහෙම පෙන ඇයො නැතැයි,එපා එපා හිනෙන් සනිවම හොයපන් හදිස්සියෙවත් නදිශා හිනෙන් කට කාලා උඹලා බඩ වුනොත් මාර කතාවක් වෙන්නේ,

         කොහොම වුනත් ඔය අපේ ඇයො වගේ නෙමෙයිලු සනිලා නියම නිළියොනේ රග පාන්නේත් ඇත්ත වගේමයි,තනි තටුවෙනි පියාඹන්න වගේද නශා එව්වා සුපිරි ෆිල්ම්නේ,එතකොට ඔය සනි ලියොන්ව දම්මලා පියාඹන මාළු 2 ගැහුවොත් මොකක් වෙයිද ඇත්තට,
මොකක් වෙයිද සිල් බිදෙයි ඉතිං,
කාගේද සනිගේද?
නැ,අපේ නොනා මහත්වරුන්ගේ,

       හැබැයි අපේ නිළියන්ටත් හදිස්සියෙවත් ඉන්දියාවට පිනලාවත් යන්න හිතුනොත්(27යිනේ බ්‍රො)පුදුම වෙන්න දෙයකුත් නැ,ඔය යස අපුරුවට ජැක්ලින් නොනා ලංකාවේත් කැම කඩයක් එහෙම දාගෙන ඉන්නේ මඩර් 2 එකේ රගපැවට ජැක්ලින් ලැජ්ජා බයට හැදිච්ච කෙල්ල නෙව,හැබැයි අපේ එකෙක් ඉන්දියාවට ගියොත්,එතකොට ඔය බඩු නිකන්ම මැඩම්ලා වෙනවා එක නිසා ඔය කවුරුත් ගලවන එකක් ඉන්දියාවට බොට්ටුවෙන් හරි ගිහින් ගැලෙව්වොත් හොදා,ලංකාව කියන්නේ හෙන සංස්කෘතියක් තියෙන රටක් නේ බ්‍රො මෙහේ ඕවා තහනම්ලු ඉතිං,මොනවා වුනත් සනි අක්කගේ රගපැම නම් මසුරන්ලු,ඇදුම් ගලවන එකෙත් කලාවක් තියෙන්න ඔනැයැයි කියන්නේ,ඔව් ඉතිං සනිලා ගලවන්න පටන් ගත්තේ අද ඊයෙක ඇ,හදිස්සියෙවත් ලංකාවේ සිනමා අයියලාට වැඩිහිටියන්ට පමණයි චිත්‍රපටියක් කරන්න හිතුනොත් හිතන්න දෙයක් නැ ගෙමු සනිව,හැබැයි කතා දෙකක් නැ සනි ලංකාවට ආවොත් ආයිත් ඉන්දියාව පැත්ත හැරිලා බත් කන්නේවත් නැ,මොකද ඉන්දියාව වගේද ලංකාවේ එක ෆිල්ම් එකක් කලොත් ඇමති පට්ටමකුත් ගතහැකි,මේ ඉතිං ලංකාවනේ බ්‍රො සංස්කෘතිය එහෙමයි,අපි එ වෙනසට ගරු කරන්න ඕනා,

           බy රස්තියාදුකාරයා,

Tuesday 22 March 2016

ලංකා පුංචි තිර උරුමය වනසන ඉශි අම්මලාගේ ටෙලි කරුමය,

     එට්කා ශ්‍රී ලංකාවට එනවාලු මළ කෙලියයි ඔන්න ඔහේ තියෙන බොඩ් කැල්ලක් උස්සගෙන වරෙන් යන්න,අප්පච්චිත් කියනවා එට්කා ආවොත් අපේ රටට මහා විනාශයක්ලු වෙන්නේ,ඉන්දියාවේ මිනිස්සු ලංකාවට ආවොත් අපේ කොල්ලන්ට කෙල්ලන්ට රස්සාවල් නැති වෙයි අපේ එවුන් කොහේ කියලා යන්නද,එක නෙමෙයි ඉශිතාට මොනවා වෙයිද බං,රමන්ට කොහොමත් වටින්නේ නැ ඉශිතාට මෙහෙම කරන්න,පව් අප්පා ඒ අහිංසකි මගේ පපුවත් එක්ක මෙව්වා වෙනවා බං ඉශි අම්මා ගැන හිතද්දි,

        මේවා කොහෙත්ම විහිළු නෙමේය අද ලංකාව දුවන්නේ මෙසේය අපි කන මිරිස් කරලේ පටන් අදින ඇදුම පාවිච්චි කරන ෆොන් එක මේ හැම තැනම අරක් ගෙන ඉන්නේ ඉශි අම්මාලාය,නමුත් එට්කා එපාය එට්කා ආවොත් අපට කෙළවෙයිලුනේ,සිපා එට්කා එපා කියන එවුන් ඔය බොඩ් ලැලි උසන්න කලියෙන් ඉශි අම්මිලත් එ එක්ක සෙල්ෆි ගසන්නට පොර කැ එවුන්ය,

           මුල්ම වංගියේ මේ ලෙසින් ලාංකිය පුංචි තිරයට ආවේ ඕශින්ලාය,නයිට් රයිඩර්ලාය මිනිසුන් ජාතික රුපවාහිනිය වටේට එක් වි ඔශින් වෙනුවෙන් කදුළු හෙලුවේය ,මේසේ ආරම්භ වු විදේශිය හඩ කැවිමේ ටෙලි සංස්කෘතිය තිව්‍ර කලේ සිරසෙන්ය එලෙස ශාන්තිලා ප්‍රගතිලා ලංකාවට පය තැබුහ,ශාන්ති ඔශින්ට වඩා පට්ටය කොල්ලන්ට ගහන්නේ දුවන්නය,මේසේ සැම ගෙදරකින්ම ඉඩක් ශාන්තිලාට වෙන් විය,ශාන්ති,ප්‍රගති පවුලේ සාමාජිකයන් විය,මිට පසුව ලං වුයේ තුල්සිගේ කාලයයි,තුල්සි එක දිගට වසර අටක් පුංචි තිරය උලාගෙන කැවේය,


     ඒ කාලයේ පාසල් වල ඩේ කාඩ් උන්මාදයක් ආ යුගයයි,කොල්ලො සුපර් මැන් ස්පයිඩර් මැන් ලාගේ කාඩ් පොත් වල අලවා ගනිද්දි කෙල්ලො හොරෙන් හොරෙන් තුල්සිලාගේ මිහිර්ලාගේ කාඩ් පොත් අස්සේ කොට්ට අස්සේ දමාගෙන පෙම් කලේය,එ කාලයේ පාසල් අතරේ වඩාත්ම ජනප්‍රිය වුයේ ප්‍රවිනා-අනුරාධය,උන්ගේ ඩේ කාඩ් ගන්නට කොල්ලො කෙල්ලො පොර අල්ලන්නට විය,කොල්ලො කාමරයේ තිබු ස්පයිඩ මැන්ගේ රුපය උඩින් ප්‍රවිනාගේ රුපය අලවා ගත්තේය,

     තත්වය මෙසේ වෙද්දි සිරසෙන් තවත් අළුත් වැඩකට මුල පිරිය එ අනුව වසුදා පුංචි තිරයට පය තැබිය,මෙය සම්පුරණයෙන්ම හින්දි ටෙලි ආභාෂය අනුව නිපැයිනි,මේ ආරම්භ වන්නේ සිංහල මෙගා ව වංශයයි,

         මුලදි මේ සිංහල මේගාවට පට්ට විවේචන ආවේය,බොහො රංගන ශිල්පින් ශිල්පිනියන්,අධ්‍යක්ෂක වරුන් මෙයට විශාල විරොධතාවයක් දැක්විය,නමුත් සිරස මේවා තඹ දොයිතුවකට මායිම් නොකලේය,ඔවුන් ඊට ප්‍රතිචාර ලෙස තවත් මෙගා ටෙලි නාට්‍යය වලට කාලය වෙන් කෙරුවේය,මෙය ඉවසුම් නොවු ලාංකිය අධ්‍යක්ෂක වරුන් තමන්ගේ නාට්‍යවලට shape එකේ කොටස් විසි පහක් තිහක් add කලේය,ගැටළුව පටන් ගන්නේ මෙතනින්ය,

        මෙලෙස නාට්‍ය වලට shape එකේ කොටස් විසි පහ තිහ add වි කොටස් හත්සියය අටසියය දක්වා දික් වන්නට විය,එවිට ජිවිතේට තමන් මෙගා වල act නොකරනවායැයි දෙසාපු එවුන් හුදෙක් තම බඩ වියත රැක ගැනිමට පමණක්ම මේගා වලට සේන්දු විය,

         අද මේගා සිංහල ටෙලි කලාවට කෙලවා හමා එදා මෙගා එපා කිවු එවුන්ම අද මෙගා බදාගෙන ගුණාත්මක සිංහල නාට්‍යය කලාවක් වෙනුවෙන් පෙනි සිටිම හාස්‍යජනකය,නමුත් තත්වය මෙසේය tv චැනල් දුවන්නේ අනුග්‍රාහක වෙළෙද දැන්විම් මගිනි අනුග්‍රාහකයින් සිටින්නේ මිනිසුන් බලන ටෙලි නාට්‍යය වලටය එසේ නම් මිනිසුන් කට උඩ තියාගෙන බලන්නේ මෙගාය,ඉශි අම්මලා වෙනුවෙන් අනුග්‍රාහකයින් වැසි වසිද්දි ඇතැම් සිංහල ටෙලි නාට්‍ය වලට බල්ලෙක්වත් සොයා ගැනිමට නොහැකිය,මේ අද බොහෝ tv චැනල් වල ඉශි අම්මලාට තරගයට දමන්නේද ජොදාලාවය,ඉශානිලාවය සමහර කාල වලදි මිට අඩු වැඩි වශයෙන් ගුජුම් පියොලාද දායක වෙයි,එවිට ප්‍රිතියෙන් මුසපත් වි යන අනුග්‍රාහක් භවතුන්ගේ ජාත්‍යාලය වැඩි වි නරඹන්නන්ට දොත පුරා තැගි දිමට ගනි,සුපිරිය තැගි දෙනවා නම් ඕන ජරාවක් මසුරන්ය,නමුත් මේ ඉශි අම්මලා ජොදාලා tv අරක් ගන්නේ අවුරුදු හත අටකටය මෙයින් වැලකි යන්නේ සිංහල ටෙලි නාට්‍ය කරුවන්ගේ හැකියාවය,විකාශය කර ගැනිමට කාලය නොමැතිව සිංහල ටෙලි නාට්‍ය චැනල් වල පල් වෙයි තමන්ගේ මුළු සේසතම වියදම් කරගෙන කරපු නාට්‍ය නිකන් හෝ පෙන්වා ගැනිමට හෙට්ටු වන අසරණ නිශ්පාදකයන් අදද නාලිකා තුල දකින්නට ඇත,එසේම විකාශය වන ටෙලි නාට්‍යය වලට එක අධ්‍යක්ෂක කෙනෙක් තිරපිටපත් රචකයෙක් නැත,කතාව පටන් ගනිදිදි අධ්‍යක්ෂකවත් නාට්‍යයේ අවසානය නොදනි,ටෙලි නාට්‍ය මගදි ප්‍රධාන නිළිය ගැබ්බර උවහොත් අවුලක් නැත වෙන එකක් දමා act කර ගත හැකිය,මෙවැනි සිම්පල් පැල්න් තුලින් සිංහල ටෙලි නාට්‍ය මොට කර ඇත,මේ හේතු නිසා අද කලාකාරයෝ කුලි වැඩපලවල්වලය,

        එට්කා රටට සමජයට හොද නැත එයින් රටටත් සමාජයත් සිදු වන්නේ විශාල ව්‍යසනයක්ය,කතාව ඇත්තය තර්කයක් නැත නමුත් එට්කා වලින් අද සිදුවිමට යන විපතට වඩා ලොකු විපතක් මේ ඉශි අම්මලා නිසා ලංකාවට වසර ගණනක් තිස්සේ සිදු වේ,තරුණ අම්මලා බොහෝ විට මේ ගොන් හැලි නරඹන්නේ තම කුඩා දරුවාව ඔක්කේ ගසාගෙනය මෙයින් වෙන්නේ අම්මාට වඩා දරුවා මේ මගුල් වලට ලොල් විමය,ඇතැම් නිවස් වල අම්මාට කතාව යන වෙලාව මතක් කරන්නේ නසරි යන දරුවාය,මේ ලගකදි රස්තියාදුකාරයාගේ හොදම යෙහෙළියගෙන් ඉතාම සතුටු ආරංචියක් ලැබිනි,බහ තොරන වයසේ සිටි ඇයගේ නොදරුවා මුලින්ම කියා ඇත්තේ ඉශිතා කියා බවය,ඇයට මේ ගැන පට්ට සතුටුය,රස්තියාදුකාරයාට සතුට වැඩිකමට සිනා වෙන්නද හඩන්නද කියා සිතා ගැනිමටවත් නොහැකිය,

     ඉශි අම්මා පොර වෙන කතාවේ බොහෝ විට ආදරය පටලවා ඇත්තේ ලිංගිකත්වයත් සමගය ලංකාව වගේ සංස්කෘතිකත්වය පදනම් කර ගත් රටක දරුවෙකුට දෙමාපියන් සමග එක්ව මේවා නැරඹිය හැකිදැයි ඇත්තේ ලොකු ප්‍රශ්නයකි,

      එදා සිපා වලට අද එට්කා වලට එරෙහිව එසවුනු අත් කවදාවත් ඉශි අම්මලාට එරෙහිව නොඑසවේවි නමුත් ඔය සිපා වලට වඩා ලොකු විනාශයක් අද වන විට රටට ඉශි අම්මලා කර හමාරය,දේශිය කලා කරුවන් වෙනුවෙන් නොහැකිනම් ඉශි අම්මලාගේ අත් අල්ලන් විනාශයට පය තබන අපේ අනාගතය වෙනුවෙන්වත් එක අතක් ඔසවන මෙන් එක හඩක් නගන මෙන් ඉල්ලන්නේ,ඇතැම් විට මෙය මෙසේ හඩ නැගිමට හම්බවෙන අවසන් කාලය විය හැකි බැවිනි,
         


                   බy රස්තියාදුකාරයා,


Saturday 27 February 2016

උප්පැන්න ඕනැ කර තිබේ,

දැන් මොනවා කිව්වත් වැඩක් නැත,යොෂිත කොලුවා හිරේට දක්කා හමාරය,ඒ නිසා ආයිත් පාරක් එ නොදරුවාට මඩ ගැසිමට රස්තියාදුකාරයාට කිසිදු වුවමනාවක් නැත,රස්තියාදුකාරයා බනින්නේ කාල්ටන් නම් වු පරදේසක්කාර සුද්දටය,මේ සියල්ල උගේ කෙරුම් විය යුතුය,එත් එවාට වන්දි ගෙවන්නේ අහිංසක රාජපක්ෂ පැටව්ය,මෙවා රට කරන ඇයොන්ගේ වැරදිය,දුර දිග නොසිතා අහිංසක කොල්ලෙක් කුඩුවට දැක්කිම කොතරම් අසාධාරණද?අනෙක රට බේරා ගැනුමට යුධ පෙරමුණට ගිය අභිත විරුවෙක් මෙසේ සිර කිරිම කොතරම් යුක්ති සහගතද?

         මාතෘකාව යොෂිතවත් උගේ අර අටමගලයවත් නොව අර කාල්ටන් නම් වු නමය,රාජපක්ෂ වරුන්ගේ බොහෝ ආයතන වල Logo එක වුයේ කාල්ටන්ය,එසේනම් කාල්ටන් කියන්නේ හෙන වැදගත් පොරක් විය යුතුය,එත් කාල්ටන් කියා සුද්දෙක් ලංකාවේ ආණ්ඩුකාරයෙක්වත් වු බවක් රස්තියාදුකාරයාට මතක නැත,එහෙනම් කවුද යකො මේ කාල්ටන්?සොයා බැලිය යුතු කාරණයකි,මන්ද කවුරුන් හෝ රාජපක්ෂ මහත්තයා ගැන හටගත් අපරිමිත වු ඊර්ෂ්‍යාවකින් කාල්ටන් කියා සුද්දෙක් එක්ක සෙට් වී මේවා කිරිමට බැරි නැත,නැත්තම් අර නොදරුවො මෙහෙම කරයි කියා කොහොමටවත් සිතිමට බැරිය,

           එත් නාමල් බේබිගේ තාරුණ්‍යයට හෙටක්,ශිරන්ති නොනාගේ සිරිලිය,කාල්ටන් පෙර පාසල ආදි සියලු දේ පොතේ හැටියට නම් ලියාපදිංචි වී ඇත්තේ තංගල්ලේ කාල්ටන් නිවස නමටය,ආරංව් හැටියට එ නිවස රාජපක්ෂ මහත්තයාගෙය,නමුත් CSN නාලිකාව රාජපක්ෂ බුදලයක් විමට කේසෙවත් හැකියාවක් නැත,යොෂිත වෘත්තීයෙන් විරෝධාර සෙබලෙකි,ඔහුට කොහෙන්ද ලක්ෂ 2340 සාමාන්‍යයෙන් සෙබල වැටුපකින් පවුලක් ජිවත් වෙන්නෙත් බොහොම අමාරුවෙනි එසෙනම් ලක්ෂ 2340,දන්නා හැටියට ඔය සමහරු වග රාජපක්ෂවරු හොරට පොල් ඇහිදින්නේ නැත,ඔවුන් තමන්ගේ ලොකු තාත්තාගේ වත්තෙන් පොල් ගෙඩියක් දෙකක් ඇහිද ගනි,එසෙනම් සමහර විට යොෂිත පොල් ඇහිදලාවත්.........,නැ එහෙම නැතුව ඇති,කොකටත් කියලා රස්තියාදුකාරයාටත් හිතෙනවා ඔන්න හොරෙන් හරි පොල් ගෙඩියක් දෙකක් ඇහිදින්න,

කොහොම නමුත් ඔය තංගල්ලේ කාල්ටන් ගෙදර මිට කලින් අයිති වෙලා තිබිලා තියෙන්නේ වික්‍රමසූරිය කියලා මහත්තයෙකුටලු,ඔය කාල්ට්න් කියන්නේ මහත්තයාගේ පුතාගේ නමයි කියන්නේ,පස්සේ රාජපක්ෂ මහත්තයාට මොකක්හරි හේතුවකට ඔය කියන ගෙදර නවතින්න කාමරයක් දිලා තියෙනවා,පස්සේ කොහොමහරි ගෙදර නිකම්ම රාජපක්ෂ ව්මහත්තයාට අයිති වෙලා තියෙනවා,අයිති වුන විදිහ ගැන ප්‍රශ්නයක් ඇත්නම් ඉතිහාසේ චන්ද්‍රිකා නෝනාව පක්ෂෙන් එළියට දාපු හැටි මතක කර ගනු මැනවි,

          රාජපක්ෂ මහත්තයා උපතින්ම සල්ලි කාරයෙකි,එහෙනම් මොකටද අනුන්ගේ ගෙවල්?මුළු රටම දන්නා පරිදි රාජපක්ෂ මහත්තයා වාස්තු විද්‍යාව එහෙම මාර ලැදිය,සමහරවිට කාල්ටන් නිවස රාජපක්ෂ මහත්තයාට වාසනාව ගෙනාවාද දන්නේ නැත,වාස්තු විද්‍යාව නිසා මාළිගාවක පිහිනුම් තටාකයකට වැලි පුරවපු අයෙකුට වාස්තු විද්‍යාව වෙනුවෙන් ගෙයක් අයිති කර ගැනිම මහා ලොකු දෙයක් කියා කෙසෙවත් පිළිගත නොහැකිය,කොහොම වුනත් කාලයක් කාල්ටන් රාජපක්ෂ වරුන්ට වාසනාව ගෙනාවේය,නමුත් දැන් කාල්ටන් නිසාම රාජපක්ෂවරුන් කන්නේ පට්ට කට්ටකි,

         කොහොම වුනත් දැන් ප්‍රශ්නයට තුඩු දි ඇති කාල්ටන් ටිවි චැනල් එකේ සියලුම ලිපි ලේඛන වලට අනුව එහි ප්‍රධානියා වශයෙන් දැක්වෙන්නේ යොෂිත රාජපක්ෂගේ නමය,ලක්ෂ 2340 යනු රාජපක්ෂ වරුන්ට සුළු ගාණක් ප්ප්වන්නට ඇත,එත් එය ලංකාවේ වෙලක් ඇර වෙලක් කන අසරණ මිනිස්සුන්ට නම් කිසිසේත්ම සුළු ගාණක් නොවේ,එම නිසා එ සල්ලි වලට උප්පැන්නයක් තිබිය යුතුමය,එසේ නැත්නම් එවා ආපු හැටි පැවසිය යුතුය,එසේත් නැත්තම් හොරා කාපු හැටි පැවසිය යුතුය,නැත්තම් හොර උප්පැන්නයක් හෝ හැදිය යුතුය,

          හැබයි රස්තියාදුකාරයාට හිතෙන්නේම ඔය වැඩේ මොකෙක්හරි ඊර්ෂ්‍යාවට කරපු අළුකුත්තේරු වැඩක් කියාමය,යොෂිත බබා කොහොමටවත් එහෙම කරන්නට විදිහක් නැත,කාල්ටන් කියා රග්බි මැච් ගැහුවාට එවායේ කප් ඉස්සුවාට යොෂිත බබාලා මෙහෙව් වැඩක් කරයි කියා කොහොමටවත් හිතන්නට බැරිය,අනික යොෂිත බබා රට බේරා ගත් මහා විරුවෙකි,අප්පච්චි එහි සේනාධිනායකයාය,එම නිසා හොරකම් කලත් කම් නැත,කරපු හොරකම් වලට අපරාධ වලට උප්පැන්න දිමට යාම දේශද්‍රෝහි ක්‍රියාවකි,එම නිසා ඔනැ නැති මගුල් නොකොට සදා අප්පොච්චා සරණ යාම මැනවි,එතකොට ජනතාවට නිවිහැනහිල්ලේ සෙත්තප්පොච්චි විමට හැකි වනු ඇත,මොනවා කලත් මොකද යුද්ධය ඉවර කලා නොවැ,

                  බy රස්තියාදුකාරයා,

Thursday 11 February 2016

මැතිව්ගේ පදක්කම් වගේද බං අන්න අප්පච්චි මුහුදේ නානවා එවානේ news,

අද ලංකාවේ news බිහි කරන්නේ දේශපාලකයන්ය ඔවුන් කැවත් බිව්වත් එය newsය,ඔවුන් පන්සල් යන්නේ මාධ්‍ය සාකච්චා පවත්වන්නටය,කොවිල් ගියොත් එකත් newsය,මොකෙක්හරි හොරෙක් fcid එකට කුදලාගෙන ගියොත් එක හෙන මාවලස් news එකකි,ඒ හොරුන් කූරු ගණන් කරනවා බලන්නට හොරු රැලක් ආවොත් එවාත් පට්ට newsය,අඩුම ගානේ මුහුදේ නාන්න ගියොත් එතන්ටත් cameraවක් උස්සාගෙන ගිහින් වොයිස් කට් ගන්න තරම් ලංකාවේ මාධ්‍යට රට ගැන මාර කැක්කුමක් ඇත,ඒ සියලු කැක්කුම් ජනතාව වෙනුවෙනි,

           
                 ඇතැම් මාධය ආයතන දේශපාලකයන්ට කඩේ යාම පටන් ගත්තේ අද ඊයක සිට නොවේය,සමහර මාධ්‍ය ආයතන බිහි වුවේ කඩේ යන්නටමය,කාලයකදි මාධ්‍ය ආයතන එකකට දෙකකට සිමා වි තිබු මේ කඩේ යාම අද සිග්‍ර ලෙස වැඩි වී ඇත,අද ලංකාවේ මාධ්‍ය ආයතන කඩේ යන්නේ පොලිම් ගැසි නිර්ලජ්ජිත ලෙසය,හොරුන්ව උලුප්පා පුම්බන මාධ්‍ය ආයතන වලට ක්‍රිඩකයෙක්ගේ රන් පදක්කමකින් ගත යුත්තක් නැත,ක්‍රිඩකයන් නම් මොක්කුද නියම පොරවල් හොරුය,

         පසුගිය කාලයේ හැමදේම සිදුවුයේ විචාරයකින් තොරවය,මාධ්‍ය වල පිට කොදු කඩා දැමුනේ ප්‍රසිද්ධියේය,යුක්තිය සාධාරණත්වය වෙනුවෙන් කැ ගැසු මාධ්‍ය කරුවන් අතුරුදහන් කරවිය,කඩේ නොයාමේ වරදට මරණය වැළදගත් මාධ්‍ය විරයොද අඩු නොමැතිව සිටියේය,ඇතැමුන් ජිවිත ආරක්ෂාව තකා විදේශ ගත විය,එසෙත් නොවුනු පිරිස් කඩේ යන්නට සිත හදා ගත්තේය වෙන කරන්නට දෙයක් නොමැතිම තැන කඩේ ගියේය,මෙයින් දේශපාලකයන්ට කඩේ යාමේ මාධ්‍ය සංස්කෘතිය බිහි විය,

              එකල ප්‍රවෘත්ති බිහි වුයේ ඉහළ පුටු වල ඇත්තන් නිගමනය කල පරිදිය,ඔවුන්ට අවශ්‍ය ප්‍රවෘත්ති අවශ්‍ය ආකාරයේන් නිර්මාණය විය,ප්‍රවෘත්ති කියා කිව්වේ දේශපාලකයන්ගේ ගුණ ගැයිම් වලටය,මේවා සත්‍ය ලෙස පිළිගත් ජනතාව තුට්ටු දෙකෙ දේශපාලකයන් අදහන්නට දෙවරක් නොසිතුහ,නමුත් මේ කාලයේදිම සමාජ ජාල වල වර්ධනය සිග්‍රයෙන් වැඩි විය,ටෙලිවිෂනය බදාගෙන සිටි කොල්ලො කෙල්ලො facebook,twitter වෙත ඇදි ගියේය,මාධ්‍ය ආයතන වලින් සිදු නොවු දේ සමාජ ජාලයන්ගෙන් සිදු වුවේය,දේශපාලකයන්ට විරුද්ධව ප්‍රසිද්දියේම මතවාද ඝට්ටන මේවායේ සුලබ විය,කඩේ යන මාධ්‍ය ආයතන සංස්කෘතිය තුලින් සමාජ ජාල තුලට මාධ්‍ය මෙහෙවර සංචරණය විය,කඩේ යන මාධ්‍යට කෙලවි ඇති බව දේශපාලකයන් දැන ගත්තේද පසුගිය ජනාධිපතිවර්නයට පසුවය,එදා ජනාධිපතිවර්නයේ ප්‍රතිඵලයට බොහෝ දුරට බලපැවේ ජාති වාදි මනාප වලට වඩා ලෝක දේශපාලනය ගැන දැනුවත් වු පාවෙන ඡන්දය,

         තත්වය මෙසේ වෙද්දි පාලකයන් වෙනස් විය ආණ්ඩු මාරු විය මාධ්‍ය ආයතන වල ලොක්කන්ද මාරු විය නමුත් මාධ්‍ය සදාචාරය වෙනස් නොවිය,එදා මෙන්ම cameraව ඇදෙන්නේ අප්පච්චිලා පසුපසය බේබිලා පසුපසය,අප්පච්චි මුහුදේ නාන්නට යාම බ්‍රේකින් නිව්ස් එකක් වන්නේ තවමත් එදා පැවති දේශපාලකයන් පොරවල් කිරිමේ සදාචාරය පවතින නිසාය,

    ක්‍රිඩාව කියන්නේ සල්ලි උල්පතක් බව අප්පච්චිලා හොදින් දනි,ලංකාවේ මිනිස්සුන්ට cricket කිව්වොත් කැම බිමද අවශ්‍ය නැත,මළල ක්‍රිඩාවටද ආදරේ එසේමය අප්පච්චිලා වාසියට ගත්තේ මිනිස්සුන්ගේ මේ ආදරේය,අප්පච්චිලාගේ ක්‍රිඩා නාලිකා පසුපස තිබුනේ මුදල් මිස ක්‍රිඩාවට ඇති ආදරය නොවේය,නැතිනම් එවකට ලංකාවේ ක්‍රිඩා නාලිකාවක් තිබුනේය,ආදරණිය අප්පච්චි තම නාලිකාව වෙනුවේන් ජාතික ක්‍රිඩා නාලිකාව බංකොලොත් කලේය,එහි ප්‍රතිඵලය දැනෙන්නේ දැන්ය,අප්පච්චිගේ ක්‍රිඩා නාලිකාවේ බර ඇද්ද ජාතික නාලිකාවට අද දකුණු ආසියානු ක්‍රිඩා උළෙල පෙන්විමට තරම් හැකියාවක් නැත,අඩුම ගානේ T20 මැච් එකක් පෙන්විමට නොහැකි තරමට ජාතික නාලිකාව අඩපණ වෙලාය,වෙනදා රන් පදක්කමක් ලබා ගැනිම බ්‍රේකින් නිව්ස් එකක් වෙන අනිකුත් මාධ්‍ය බේබිලා fcid යන පාර දිගේ මයික් අල්ලගේන වැටිලාය,අප්පච්චි මුහුදේ නාන්න ගියොත් එතනද මයික් එකක් උස්සාගෙන වොයිස් කට් ගනි,නිව්ස් වන්නේ එවාය,බොහො දෙනෙක් දකුණු ආසියානු ක්‍රිඩා උළෙල ගැන දැන ගත්තේ සමාජ ජාල තුලින්ය,ලංකාවේ මාධ්‍ය ඒ තරමටම විචාරවත්ය,ඒ නිසා ඔය රන් පදක්කම් ගැන කතා කර වැඩක් නැත,කතා කරමුද එකාබද්ධ විපක්ෂය ගැන,නිව්ස් කියන්නේ එවාටය,

      දේශපාලන තොරතුරු දැන ගැනිම රටක මිනිස්සුන්ගේ අයිතියකි නමුත් අප්පච්චි නාන්න යන තැනට camera උස්සාගෙන ගොස් පෙන්නන්න යන්නේ මොන ආකාරයේ ප්‍රවෘත්තියක්ද යන්න ගැටලුවක් ඇත,අද කිමිකොලා ගැන කතා කිරිමට අදි මදි කරනා මාධ්‍යට ගම්මන්පිලලාගේ විහිළු කතා නිව්ස්ය,

            ලංකාවේ මෙය එතරම් දෙයක් නොවුනාට යම් හෙයකින් ඉන්දියාව වැනි රටක මේසේ වි නම් නාලිකා බොහොමයක් ගිනි බත් වනු නිසැකය මන්ද ඔවුන්ට ක්‍රිඩාව එතරම් වටි,අද දකුණු ආසියානු ක්‍රිඩා තරගයේ ජය කෙහෙලි නංවන කොල්ලන්ට කෙල්ලන්ට රජයෙන් කියා සත පහක දිමනාවක් ලැබි නැත,බොහොමයක් උන් පෙන්නන්නේ අල බතල වල හයියය,එදා සුගත් තිලකරත්නලා,සුසන්තිකා ලා ජනතාවට විරයන් වුනේ මාධ්‍ය නිසාය,සුගත්ලා ඉන්දියාවේ දුවනකොට මේ එවුන් හුරේ දැම්මේ tv දෙස බලාගෙනය,අද ශෙහන් ලාට කිමිකොලාට ඒ වාසනාව නැතිය,ඔවුන්ට විරයන් විමේ භාග්‍යය ලංකාවේ මාධ්‍ය හිමි කර දි නැත,

             මාධ්‍ය හැසිරිමේදි අපට වැරදුනු තැන් බොහොමයක් ඇත,එවා දැන් හෝ නිවරද කර ගත යුතුය,දේශපාලකයන්ට කඩේ යාම දැන්වත් නැවත්විය යුතුය,අප්පච්චිලාගේ රෙදිවල මඩ පැල්ලම් සුද්ධ කරනවාට වඩා පුළුල් දැක්මක් ඇති බව මාධ්‍ය කරුවන් වටහා ගත යුතුය,මන්ද මාධ්‍ය සිටිය යුත්තේ පොදු ජනතාව සමග මිසක් ඔවුන්ට එරෙහිව නොවේය,මාධ්‍ය ආයතනකරුවන් මෙන්ම මාධ්‍යවේදීන්ද තම වගකිම හරියට තෙරුම් නොගන්න තාක් කල් ජනතාවට හිතැති මාධ්‍ය සදාචාරයක් ගොඩ නොනැගෙනු ඇත,එයට හැකි ඉක්මණින් වගකිව යුත්තන්ගේ අවධානය යොමු කල යුත්තේය නැතිනම් මාධ්‍ය තවදුරටත් පොදු ජනතාවට විහිළුවක් පමණක්ම විය හැකිය,


                                 බy රස්තියාදුකාරයා

Saturday 6 February 2016

One Flag,One land,One heart,One nation,Ever more,

නිදහස වචනයේ පරිසමාප්ත අර්ථයෙන්ම නැති වුනත් අප නිදහස්ය,1948පසු තිස්අවුරුදු යුද්ධයකින් බැට කැ අප දැන් එයින්ද නිදහස්ය,එදා වෙනම රටක් ඉල්ලා යුද්ධ කල මිනිසුන් අද ඔවුන්ගේ භාෂාවෙන් නමෝ නමෝ මාතා කියන්නේ අභිමානයෙනි මේ අපේ රට බව ඔවුන්ටද දැනෙන්නට දිය යුතුය,එහි වරදක් පෙනෙන්නට නැත,

                ශ්‍රි ලංකාව නිදහස ලැබුවේ 1948දිය කවරාකාරයෙන් ලැබුවද අප ලැබුවේ නිදහසය,සෑම අවුරුද්දකම මේ ලැබු නිදහස උත්සවාකාරයෙන් සමරන රටක නිදහස ලැබු දිනය නොදන්නා එවුන් සිටිය හැකිද,දිනය කෙසේ වෙතත් නිදහස ලැබු අවුරුද්දවත් නොදන්න එවුන් මේ රටේ සිටි,"අපි ඉපදුනේ 90 ගණන් වල අපි කොහොමද ඉතිං ඕවා දන්නේ"මේ උන්ගේ තර්කයයි උන්ට ඉතිහාසය වගක් නැත ජාතික වීරයො අදාල නැත,මැච් එකක කොඩිය හෙල්ලිමට හැකි නම් එය ප්‍රමාණවත්ය,එහෙම කරාම ඌන් හෙන ලාංකිකයිලු ඉතිං,

                  දවසට තුන් හතර පාරක් ඇහෙන ජාතික ගියේ පද ටික හරියට ඔළුවට දා ගන්න බැරි සිංහලයන් සිටින රටක නොදන්න භාෂාවකින් ගැයෙන ජාතික ගීයකට සිරුවෙන් සිටිමට ද්‍රවිඩයන් හුරු කිරිමේ උචිත අනුචිත බව තව පාරක් සිතා බැලිය යුතුය,

             උතුර ලොකයට විවර වෙන්නේ අවුරුදු තිහකින් පසුවය,එතෙක් ඔවුන් රටකට අරගල කලා විනා ඔවුන්ට කියා රටක් තිබුනේ නැත,1948දි ලංකාව නිදහස ලැබු බවක් ඔවුන් නොදනි,සිගිරියේ කැටපත් පවුරේ පෙම්වතාගේ නම කැටයම් කිරිම තහනම් බව ඔවුන්ට නොතේරෙයි,ඔවුන්ගේ කණට හුරු වේඩි හඩ මිසක් ජාතික ගී නොවේ,තත්වය මෙසේ වෙද්දි ඔවුන්ට ඔවුන්ගේ භාෂාවෙන්න් ජාතික ගීය ගැයිමට අවස්ථාව ලබා දිමේහි වරදක් නොමැති බව රස්තියාදුකාරයාගේ අදහසයි,මන්ද ඒ ලැබු නිදහස ඒ ලැබු අභිමානය දකුණේ පැතුම්ලාට ප්‍රියංකාලාට මෙන්ම උතුරේ සෙල්වම්ලාට සත්‍යාලාට ද දැනේන්න දිය යුතුය,

          1948දි ලබා ගත් නිදහස අපිට වගේම ඔවුන්ටත් අයිතිය,එදා කැරලි ගසා නොලැබු නිදහස අවසානයේ බුද්ධිමය මත වාදයන්ට පෙරළෙද්දි ලංකාව වෙනුවෙන් හඩ නැගුවේ පොන්නම්බලම් රාමනාදන්,අරුණාචලම්ය,එදා ඔවුන් හඩ නැගුවේ ලාංකික බව වෙනුවෙන් මිසක් ජාතියක් වෙනුවෙන් නොවන බව පැහැදිලිය,එසේ රටම එක් වි ලබා ගත් නිදහස අයිති මුළු රටටම බව මතක තියා ගත යුතුය,

        එදා සුද්දා රට අල්ලද්දි අපේ දේශපාකයන්ට මනා පාඩමක් ඉගැන්විය එනම් ඔනැම ජන කොට්ඨාසයක් බෙදා පාලනය කිරිම පහසු බවය,එය ලංකාව නිවැරදිවම අනුගමනය කරයි,මෙය එක රටකි නමුත් පළාත් වශයෙන් දිස්ත්‍රික්ක වශයෙන් නගර වශයෙන් සාමාන්‍ය පරිදි බෙදි ඇත,නමුත් අපේ එවුන් ඊටත් එහාට ගොස් ගම් වශයෙන් ඊටත් පසුව පාසල් වශයෙන් එක පාසලෙත් නිවාස වශයෙන් ආදි විවිධ ක්‍රම මගින් බෙදාගෙන ඇත,එවිට පාලකයන්ගේ අවශ්‍යතා අනුව මෙවා අවුස්සා ආතල් ගත හැක,ඉතිං කරුමෙකටවත් මෙ බෙදිම් අහවර වුනොත් කෙළවෙන්නේ ඔවුන්ටය,එක නිසා මොකක් හරි කර මේවා රැකගැනිමට උත්සහ කළ මැනවි,

             ජාතික ගීය ද්‍රවිඩ භාෂාවෙන් ගැයිම ව්‍යවස්ථානුකූලය,නිදහසින් කාරි නැත මෙයට ඉඩ නොදිය යුතුය,එසේ වුනොත් කෙලවෙන්නේ මනාප ටිකටය එක නිසා මුංව කෙසේ හො ඇවිලිම යෙහෙකි,මේ ජාතික ආලයෙන් හොයන පිළිතුරු විය යුතුය,කරුමෙක අහිංසක කොල්ලා හිරේ දමලාය,හිටපු ජනාධිපති කෙනෙක්ගෙ පුතෙක් වෙලත් අඩුම තරමේ TV චැනල් එකක් පටන් ගැනිමට නොහැකි නම් මේක මොන ආකරයේ නිදහසක්ද?කොහොමවුනත් ජනාධිපති සමාව දි කොල්ලාව නිදහස් කරා නම් අයේත් පන්සල් යන්නට හැකිය,අනුකම්පාවෙන් බලා අර Fcid කියන මගුලත් අහොසි කරා නම් නිදහස තවත් සුපිරිය හෙන අර්ථවත්ය එවිට නිදහසේ හොරකමක්වත් කර ගත හැකිය,මෙවාට කියන්නේ ජාතික කැක්කුමයලුය,

           ද්‍රවිඩ ජාතික ගීය ගැන දෙහි කපන පිරිස් පොන්නම්බලම් රාමනාදන්ලාට,අරුණාචලම්ලාට එතකින් ගියාම මුත්තයියා මුරලිදරන්ලාට,පර්වේස් මහරුෆ්ලාට,ඩන්කන් වයිට්ලාට ලාංකිකකම ගැන වහාම ඉගැන්විය යුතුය,මන්ද ඔවුන් ඔවුන්ගේ ජාතියට මහා ද්‍රොහි කමක් කර ඇත,මේ අපේ රට උඹලා සුළු ජාතින් එහෙනම් උඩ පනින්නේ මොකටද අපිට ඔය පදක්කම් සම්මාන වැඩක් නැ අපිට වටින්නේ අපේ ජාතිය,එය ගොඩනගන්නට නම් රුපියල් සීයක ආධාරයක් කිරීම අනිවාර්යය,

             ඉදිරියටත් මුං සිංහල මුං දෙමළ මුං මුස්ලිම් කියා මරාගෙන පලක් නැත,එක රටක් වශයෙන් අප හැමොම නිදහස්ය,එය එක් ජාතියකට අහිමි කිරිම ලැබු නිදහසද වෙන්දෙසි කිරිමකි,සැවොම ලාංකිකය අප වෙහෙසිය යුත්තේ බෙදි වෙන් විමට නොවේ,
"විවිධත්වය මතින් එකීයත්වය ලබා ගැනිමටය"එවිට අනාගතය මිට වඩා සුන්දර වනු නොවනුමානය,

Tuesday 2 February 2016

යහපාලනයෙන් හෙම්බත් වි ඇත

යහපාලනයට දැන් වසරත් ගෙවි ඇත,කොහොම නමුත් අද රට පාලනය කරන්නේ මහින්ද නොවන බව විටෙක සිරිසේනට අමතක වි ඇත ඔහු තාමත් වැඩ කරන්නේ ජනාධිපති පුටුව මහින්දට තබාය,එහෙයින් ලංකාවේ දැන් ජනාධිපති මහින්ද හෝ රනිල් නොව තමා බව සිරිසේන ජනාධිපතිතුමන් තමාටම පසක් කර ගත යුතු කාලය මේය බව රස්තියාදුකාරයාගේ අදහසයි අශ්වයා පැන ගිය පසු ඉස්තාලය වසා පලක් නැත,හදිසියේ හැටියට නම් ඌ දැනටමත් ඉස්තාලය පැන යාමට පිඹුරුපත් සකසා හමාරය,

            මිට වසරකට උඩදි සිරිසේන මහත්තයා ලබාගත් ජයග්‍රහණය කවුරු කෙසේ කිවත් සුළු පටු නැත එය ඓතිහාසික ජයග්‍රහණයක් වන්නේ පළවෙනි වතාවට ජනාධිපතිවරයෙක් ගෙදර යැවු නිසාම නොවේ,එම ජයග්‍රහණය ලබාගත්තේ මහින්ද රාජපක්ෂට එරෙහිව නිසාය,චන්ද්‍රිකා මහින්දට අගමැතිකම දෙන විට මහින්දට වඩා මිනිසුන් අතර සිරිසේන,මංගල නමක් හදාගෙන සිටියේය,නමුත් අවසානයේ අගමැති පුටුව කැරකුනේ මහින්දටය,අගමැති පුටුවෙන් ඉහලට ගිය මහින්ද ජනාධිපති වි අවසානයේ නතර වුයේ රජ පුටුවේය,

            අද සිරිසේන පක්ෂ නායකකම ගත් ආකාරය ගැන ප්‍රශ්න කරන මහින්ද වාදින්ට එදා මහින්ද චන්ද්‍රිකාව දේශපාලනයෙන් එලවු හැටි අමතක හැටි පුදුමය,නමුත් මහින්ද තාම යහතින් දේශපාලනය කරයි,ඔහුගේ වේදිකා කවුරුත් ගිනි තියන්නේ නැත,කතා කරන විට කරන්ට් කපන්නේ ද නැත,යොෂිත වෙනුවෙන් කදුලු හෙලන මහින්දට,ප්‍රදිප් එකනැලිගොඩ දරුවන්ගේ කදුලු විහිළුවක් විය,අද නිතිය සාධාරණත්වය ගැන කතා කරන මහින්ද ෆොන්සේකාව හිරේ දැම්මේ කුමන චොදනාව යටතේද යන්න සොයා බැලිම වටි,මහින්ද එතකින් නැවතුනා නොවේ අවසනයේ අගවිනිසුරුවරියවද ඉවත් කලේය,මහින්දගේ කාලයේ පැවතුනේ වෙනස් නිතිය එකල මුලින්ම හිරේ දමා පසුව චොදනාව සාකච්චා කර තිරණය කරයි මේවා අපුරු ප්‍රමේයන්ය,

              රස්තියාදුකාරයා මේ කතාකරන්නේ මහින්ද යුගය ගැන නොවේ එවා දැන් පරණ කතාය,ඇතැම්විට මහින්දගේ මල් පොහොට්ටුව පළාත්සභාවට වැඩ කලොත් යලිත් ඉතිහාසය අළුත් විමට ඉඩ ඇත,එ ගැන දැන්ම පැවසිමට කල් වැඩිය,නමුත් යහපාලනය ගැන කතා කල යුතුව ඇත ඉස්සෙල්ලා කියුවත් වගේ සිරිසේන මහත්තයාට තාම ජනාධිපති පුටුව අමතක වි ඇත,ජනාධිපති කැල්ල නමෙන් හැලෙන්නට කලින් තමන් ජනාධිපති බව සිරිසේන මහත්තයාට මතක් වුවේ නම් යෙහෙකි,

                 ඇත්ත කතාව නම් මහින්ද මහත්තයා පැරදුනේ විහින්ය,බිසිල්ලා,විමල්ලා ලං කර ගන්නා විට මහින්දට සිරිසේනලා,රෙජිනොල්ඩ් ලා අමතක විය,ජොන්ස්ටන්ලා,ඩිලාන්ලාගේ වචන පිළිගත් මහින්දට තමාව ජනාධිපති කෙරු jvp කාරයන් හතුරෝ විය,මහින්ද පැරදුනේ නැත මහින්දව පැරද්දුවාය,මේවා නොවන්නට අදටත් ජනාධිපති මහින්දය එකේ තර්කයක් නැත,පක්ෂ පුටුවෙනුත් විසි වෙන්නට ඔන්න මෙන්න හිටි රනිල්ට කවදාවත් සිරිසේන නොහිටින්නට මහින්ද පරාද කරන්න බැරිය,එක රනිලුත් දන්නවාය මන්ද තමාට ජනාධිපති වෙන්න හැකියාවක් ඇත්තම් රනිල් කිසි විටක සිරිසේනට අපේක්ෂකකම දෙන්නෙ නැත,කොහොම නමුත් දැන් ජනාධිපති සිරිසේන මහත්තයාය,රට පාලනය වෙන්නේ යහපාලනයෙන්ය,

         යහපාලනය ස්ථාපිත වි අවුරුද්දක් ගෙවි හමාරය මේ අවුරුද්ද ඇතුලත මහින්ද කෙරු වැරදි බොහොමයක් සිරිසේන අතින්ද සිදුවි ඇත,විශේෂයෙන්ම කැබිනට් මණ්ඩලය පත් කිරිමේදි සිරිසේන විතරක් නොව රනිල්ද නා ගෙන ඇත,යහපාලනය වෙනුවෙන් කැ ගැසු හරෙන්ලාට,රන්ජන්ලාට,බුද්දිකලාට යහපාලනය කෙරු දෙයක් නැත,යහපාලනයෙන් නියමේට වැඩ ගත්තේ එස්.බි ලාය ඩිලාන් ලාය,එදා හරෙන්ලා,රන්ජන්ලා කැ ගහද්දි එස්.බි ලා සැරසුනේ සිරිසේනට අමුඩ ගසන්නය,එ බව එස්.බි ට අමතක විම එච්චරම පුදුමයක් නොවේ නමුත් එය සිරිසේන මහත්තයාට අමතක නම් එය පුදුමයක් නොව අරුමයකි,

         අද වන විටද මහින්දගේ කාලයේ තිබු සමහර විහිළු රට රකින ඇත්තන්ගෙන් අහන්නට ලැබේ,එදා තමාම ගස් බැද ගත් අතර අද තට්ටු ගණන් වලින් මිනිස්සු ෆන් එකට පනි,මේවා කියන්නේ ජනතාව රැවටිමට නම් එයද එක්තරා විහිළුවක් බව මතක තියා ගැනිම හොදය,

         මහින්දගේ කාලේ ඇමතිවරු පිස්සු නැටුවේය,අවසානයේ ඔවුන්ගේ පවට වන්දි ගෙව්වේ මහින්දය සිරිසේනද අද ලං කරගෙන සිටින්නේ මේ ඇමතිවරුය ඔවුන්ට මහින්ද ද සිරිසේන ද කියා ගාණක් නැත,ඔවුන්ට අවශ්‍ය ඔවුන්ගේ පව් කර ගැසිමට මොකෙක් හරිය,

             මහින්ද අදටත් කරන්නේ වැරදිය විශ්වාස කරන්නේ වැරදි මිනිස්සුය විමල්ලා,ගම්මන්පිලලා මහින්ද ගාව ඉන්නේ මහින්ද සතුව ඉතුරුව ඇති ජන පදනම නිසාය,මොවුන් ලග තියාගෙන ඉල්ලන්න යන මල් පොහොට්ටුවත් රස්තියාදුකාරයාට විශ්වාස නැත්තේ ඔය case නිසාය,

            ජනාධිපති වු දා සිට සිරිසේන මහත්තයා කලේ ශ්‍රී ලංකා නිදහස් පක්ෂෙ බලය අල්ලපු එකය අදටත් සිරිසේන මහත්තයා හෙට්ටු වෙන්නේ මේ පක්ෂ නායක කමත් එක්කය,මේ නිසා සිරිසේන මහත්තයාගේ ජන පදනම බිංදුවට බැස ගොස් ඇත,සමහරක් විට ඉදිරි පළාත්සභා මැතිවරණයේදි මේ බව ඔහුටම දැනගත හැකි වනු ඇත යහපාලනයට කැ ගැසු පිරිස් අද එයින් හෙම්බත් වි ගොසින්ය,

      ජනාධිපතිවර්නය කාලේ සිරිසේන මහත්තයාගේ විරයා වු මොදි මැතිතුමාගේ තත්වයද අද වන විට මිට සමානය,මොදිද මැතිවරණයදි තරුණ දේශපාලකයන් සමග කුළුපග වුවත් පසුව වෙනස් විය,එහෙයින් අද මොදි අත් විදින්නේද ලංකාවේ සිරිසේන අතවිදින තත්වමය,

         කොහොම වුවත් රස්තියාදුකාරයාට කියන්නට ඇත්තේ සිරිසේන මහත්තයා මහින්ද රාජපක්ෂ වෙන්නට ගියහොත් තත්වය මිට දරුණු වනු ඇත,එහෙයින් කලයුතු වන්නේ රාජපක්ෂ ඔටුන්න හිසෙන් ගලවා දමා රටේ සාමාන්‍ය මිනිසුන් අතරට යාමය,එවිට ඔය රැක ගන්නට දගලන පක්ෂෙන්ද රාජපක්ෂ උණ ඉවත් වනු ඇත,එසේ නොවුනහොත් යහපාලනයෙන් හෙම්බත් වි ඇති යහපාලන පාක්ෂිකයන්ම දැමු ඔටුනු ගලවා ගෙදර යාමට පාර කියා දෙන දවස වැඩි ඇතක නොවන බව මතක තියා ගත යුතුය,

          බy රස්තියාදුකාරයා